काठमाडौँ । साताको अन्तिम दिन शेयर बजारमा हरियाली छाएको छ । निरन्तर ठुलो अंकले गिरावट आएको शेयर बजारमा बिहीबार उछाल आएको छ ।
नेपाल स्टक एक्सचेञ्जका अनुसार बुधबार ३९ दशमलव २३ अंकले घटेर २ हजार ४१६ बिन्दुमा पुगेको नेप्से आज ९० दशमलव ६७ अंकले बढेर २ हजार ५०६ बिन्दुमा पुगेको हो । नेप्सेका अनुसार आज ६ अर्ब ५ करोड ८१ लाख बराबरको कारोबार भएको छ ।
आज कारोबार भएका सबै समूहमा हरियाली छाएको छ भने दर्जनौँ कम्पनीको शेयर मूल्यमा उच्च बृद्धी भएको छ । निफ्राको शेयर मूल्यमा बिहीबार ८ दशमलव ६६ प्रतिशतको वृद्धी भएको छ ।
