काठमाडाैं । सत्तारुढ दल नेपाल कम्युनिष्ट पार्टी (नेकपा)को सचिवालय बैठक स्थगित भएकाे छ । शनिबार बस्ने भनिएकाे बैठक काेराेना संक्रमण विस्तारलाई ख्याल गर्दै स्थगित गरिएकाे हाे ।
अध्यक्षद्वय केपी शर्मा ओली र पुष्पकमल दाहाल प्रचण्डबीचकाे छलफल पछि आउँदाे भदाै १८ गते बैठक बस्न सहमित भएकाे छ ।
वरिष्ठ नेता माधवकुमार नेपाल र सचिवालय सदस्यहरु ईश्वर पाेखरेल र रामबहादुर थापा बादल आइसाेलेनसमा रहेका कारण बैठक स्थगित भएकाे स्राेतले बतायाे । वरिष्ठ नेता नेपालको सुरक्षार्थ खटिएका सुरक्षाकर्मीमा कोरोना संक्रमण पुष्टि भएको थियो।
गएको शुक्रबार नेता नेपालकाे सुरक्षार्थ खटिएका ९ सुरक्षाकर्मीमा संक्रमण पुष्टि हाे । एउटै बैठकमा सहभागी भएका कारण रक्षामन्त्री पोखरेल र गृहमन्त्री थापा पनि आइसोलेसनमा बसेका छन् ।
शक्ति संघर्षको विवाद समाधानार्थ महासचिव विष्णु पौडेल संयोजकत्व कार्यदलले बुझाएको प्रतिवेदनमाथि अध्यक्षद्वय केपी शर्मा ओली र पुष्पकमल दाहाल प्रचण्डबीच गत मंगलबार छलफल भएपछि सचिवालय बैठक शनिबारका लागि डाकिएकाे थियाे ।
कार्यदलले बुझाएकाे प्रतिवेदनमाथि सचिवालयमा छलफल हुने तालिका छ । मिति सरेसँगै प्रतिवेदनमाथिकाे छलफलसमेत पर धकेलिएकाे हाे ।
