काठमाडाैं । नेपाली सेनाको जंगी अड्डामा कार्यरत १ जना जवानले आत्महत्या गरेका छन ।
आइतबार बिहान पाैने ३ बजे तनहुँ रानीपोखरी भएका उनले आफैंले बोकेको हतियार प्रयोग गरी आत्महत्या गरेका हुन।
जनसम्पर्क तथा सूचना निर्देशनालयका अनुसार नेपाली सेनाको स्थायी कार्य विधी बमोजिम सैनिक प्रहरी समेतको सहयोगमा नेपाल प्रहरीले घटनास्थल तथा लास प्रकृति मुचुल्का तयार गरी मृतकको शव पोष्टमार्टमको लागि त्रिवि शिक्षण अस्पतालमा पठाएको छ ।
घटना सम्बन्धी आवश्यक अनुसन्धान शुरु गरिएको समेत निर्देशनालयले जनाएको छ । आत्महत्या गर्ने जवानको नाम खुलाइएको छैन ।
