पोखरा । पोखरा महानगरका ३ वडामाका ३ जनामा सहित गण्डकी प्रदेशमा ७ जना कोरोना भाइरसका संक्रमित थपिएका छन् ।
पोखराको फेवासिटी अस्पतालमा उपचाररत १ जना महिला पनि संक्रमण पुष्टि भएको छ । उनी लमजुङ बेशीसहर १० की ७१ वर्षीया हुन् । उनको स्वाब पोखरामा संकलन भएको प्रदेश स्वास्थ्य निर्देशनालयले जनाएको छ । पोखराका वडानम्बर ६ (१), ८(१) र १५(१) गरी ३ जना पुरुषमा संक्रमण भेटिएको हो ।
तनहुँ भानु नगरपालिका ५ का ४४ वर्षीय पुरुषमा संक्रमण फेला परेको छ । गोरखा ६ का २ जना महिला ३६ र ३२ वर्षीयामा संक्रमण पुष्टि भएको निर्देशनालयले जनाएको छ । उनीहरु सबै कन्ट्रयाक्ट ट्रेसिङमार्फत पहिचान भएका हुन् । योसँगै गण्डकीमा संक्रमितको संख्या २,१४४ पुगेको छ ।
