काठमाडौँ । नेकपा माओवादी केन्द्रको स्थायी कमिटी बैठक आज बस्दैछ । स्थायी कमिटी बैठकलगत्तै केन्द्रीय कमिटी बैठक पनि बस्ने बताइएको छ । स्थायी कमिटी बैठक पार्टी कार्यालय पेरिसडाँडामा ११ बजेदेखि बस्नेछ ।
स्थायी कमिटीको बैठकमा सरकारलाई दिएको समर्थन फिर्ता गर्ने बिषयमा छलफल हुने छ । छलफलबाट केन्द्रीय कमिटी बैठकका लागि एजेण्डा तय गर्नेछ । बैठकले सरकारलाई दिएको समर्थन फिर्ता लिएको निर्णय गरेर त्यसलाई केन्द्रीय कमिटीमा अनुमोदनमा लैजाने सक्ने छ ।
नेपाली काँग्रेसले प्रधानमन्त्रीको राजीनामा माग गरेपछि माओवादी केन्द्र छलफलमा जुटेको हो । नेपाली कांग्रेसले प्रधानमन्त्री केपी शर्मा ओलीको राजीनामा माग्दै आफ्नो नेतृत्वमा सरकार बनाउन अग्रसर हुने निर्णय गरेको परिवेशमा बस्न लागेको माओवादी केन्द्रको बैठकलाई महत्त्वका साथ हेरिएको छ ।
