काठमाडौँ । नेपालमा पछिल्लो २४ घण्टाको अवधीमा २ सय ६६ जनामा कोरोना संक्रमण पुष्टि भएको छ । देशभरका विभिन्न प्रयोगशालाहरुबाट ४ हजार ५ सय ३६ नमुना परिक्षण गर्दा सो संख्याका कोरोना संक्रमित थपिएका हुन् ।
योसँगै सोमबारसम्म नेपालमा कोरोना संक्रमितको कुल संख्या २ लाख ७८ हजार २१० पुगेको छ । सोमबार नै १०२ जना कोरोना संक्रमित निको भएर डिस्चार्ज भएका छन् ।
डिस्चार्ज हुनेको कुल संख्या २ लाख ७३ हजार ३४२ पुगेको छ । सोमबार नै २ जनाले कोरोनाका कारण ज्यान गुमाएका छन् । हालसम्म नेपालमा ३ हजार ३६ जनाले कोरोना संक्रमणको कारण ज्यान गुमाएका छन् ।
स्वास्थ्य मन्त्रालयका अनुसार सोमबारसम्म नेपालमा कोरोनाको सक्रिय संक्रमितको संख्या १ हजार ८३२ रहेको छ । सरकारले हालसम्म २२ लाख ८९ हजार ८२४ नमुनाको पीसीआर परिक्षण गरेको मन्त्रालयले जनाएको छ ।
