काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले आफूबाट गल्ती भएको स्वीकार गरेका छन् । मङ्गलबार रुकुममा आयोजित कार्यक्रमलाई सम्बोधन गर्दै उनले जनयुद्ध पार्टीभित्र दुःख गर्ने कार्यकर्ताहरु ओझेलमा परेको र फटाहाहरुले महत्व पाएको प्रति आत्मआलोचना गरेका हुन् ।
उनले गृहमन्त्री रामबहादुर थापाप्रति इंगित गर्दै आफूलाई गद्धार भन्ने र ०७० सालको चुनावमा बम पड्काउनेलाई पार्टीको मुख्य जिम्मेवारी दिँदै गृहमन्त्री बनाउनु गल्ती भएको बताएका छन् ।
पार्टीभित्र अहोरात्र खटिने, दुख गर्ने, जनयूद्धमा सहादत प्राप्त गरेका, वेपत्ता भएका तथा घाइतेहरुलाई अगाडी बढाउन आफू चुकेको प्रचण्डले स्वीकारेका छन् । ‘मैले तपाईंहरुलाई नै अगाडि बढाइराख्नुपर्थ्यो, नियुक्ति, पार्टीको पदहरुमा पदोन्नती गर्नुपर्थ्यो, गल्ती भयो’ उनले भने ।
यद्यपी आफूले कहिल्यैपनी जनताको हितविपरित काम नगरेको दाबी गरेका छन् ।
उनले प्रचण्ड कमजोर नभएको दाबी पनि गरेका छन् । ‘मसंग मेरो पार्टी छ, कार्यकर्ता छन्, जनताले माया गर्नुभएकै छ ’ उनले भने ।