पोखरा । पोखरा १७ स्थित नेपाल प्रहरीको सशस्त्र गणमा एकैपटक २० जना प्रहरीमा कोरोना पुष्टि भएको छ ।
उनीहरु २१ देखि ४२ वर्ष उमेर समूहका पुरुषहरु हुन् । गणका कार्यरत प्रहरीको स्वाब परीक्षण गर्ने क्रममा उनीहरुमा पुष्टि भएको हो ।
क्षयरोग उपचार केन्द्र पोखराको प्रयोगशालामा पीसीआर परीक्षण पछि उनीहरुमा कोरोना पुष्टि भएको प्रदेश स्वास्थ्य निर्देशनालयले जनााएको छ ।
पोखरामा अन्य २ वडाका २ जनामा समेत कोरोना पुष्टि भएको छ । वडा १४ मा ३० र ५७ वर्षीया महिलामा पुष्टि भएको हो । वडा १३ का २७ वर्षीय पुरुषमा कोरोना संक्रमण पाइएको छ । पोखरामा यासँगै एकैपटक बुधबार २३ जनामा संक्रमण पुष्टि भएको छ ।
प्रदेश स्वास्थ्य निर्देशनालयको पछिल्लो अपडेटअनुसार तनहुँ शुक्लागण्डकीमा १ जना, लमजुङ सुन्दरबजारमा ४ जना, नवलपरासीमा ७ जनामा संक्रमण भेटिएको हो ।
गण्डकीमा संक्रमितको बुधबार बिहान ३५ जना थपिएसँगै कुल संक्रमितको संख्या २,२४५ पुगेको छ ।
