पाेखरा । गण्डकी प्रदेशमा आज ४० जना कोरोना सङ्क्रमति थपिएका छन्।
हालसम्म गण्डकीमा सङ्क्रमित २ हजार ३५२ पुगेको गण्डकी प्रदेश स्वास्थ्य निर्देशनालयका निर्देशक एवं कोरोना नियन्त्रण तथा रोकथाम कार्यक्रमका प्रवक्ता डा विनोद विन्दु शर्माले जानकारी दिए।
पोखरामा मात्रै १६ कोरोना सङ्क्रमित थपिएका छन्। निर्देशनालयका अनुसार पोखरामा एक महिलासहित १६ जनामा सङ्क्रमण पुष्टि भएको हो। तीमध्ये पोखरा १५ मा ७ जना नेपाल प्रहरीमा कार्यरत छन्।
त्यसैगरी तनहुँमा २, लमजुङमा ३, स्याङ्जा र बाग्लुङमा १/१ तथा नवलपरासीमा १७ जनामा सङ्क्रमण पुष्टि भएको निर्देशनालयले जनाएको छ।
