पाेखरा । उपचारकाे क्रममा निधन भएकी गाेरखाकी १ वृद्धामा काेराेना संक्रमण पुष्टि भएकाे छ । ब्रेन ह्यामरेज भएर शनिबार अस्पताल भर्ना भएकी गोरखा नगरपालिका ७ की ७६ वर्षीया वृद्धामा आइतबार कोरोना पुष्टि भएको हो ।
२० गते अचेत अवस्थामा अस्पताल ल्याइएकी वृद्धाकाे आइसियुमा उपचारकाे क्रममा निधन भएकाे प्रदेश स्वास्थ्य निर्देशनालयले जनाएकाे छ ।
योसहित गण्डकी प्रदेशमा कोरोनाबाट मृत्यु हुनेको संख्या १९ पुगेको छ । कास्कीका ५, गोरखाका ४, तनहुँका ३, स्याङ्जा र नवलपुरका २/२, म्याग्दी, लमजुङ र बागलुङका १/१ संक्रमितको मृत्यु भएको छ ।
गण्डकी प्रदेशमा कोरोना संक्रमितको संख्या २५ सय १६ पुगेको छ । तीमध्ये १७ सय ६६ जना निको भएका छन् ।
