काठमाडौं । संकृति, पर्यटन तथा नागरिक उड्डयन मन्त्री योगेश भट्टराईले आफ्नो जन्मदिनको अवसरमा एसिड पीडित बालिका मुस्कान खातुनलाई आर्थिक सहयोग गरेका छन्।
मुस्कानलाई उनले अध्ययन खर्चमा सहयोग पुगोस् भन्ने हेतुले ५० हजार नगद सहयोग प्रदान गरेका हुन् । गत भदौ २० गते एसिड आक्रमणमा परेकी मुस्कान ९ कक्षामा पढ्छिन् । उनको उपचारको क्रम चलिरहेको छ ।
नेकपाका स्थायी कमिटी सदस्य समेत रहेका मन्त्री भट्टराइले खातुनको आत्मविश्वासबाट आफू धेरै प्रभावित बनेको बताए। उनले मुस्कानलाई भविष्यमा डाक्टर बन्न सल्लाह दिएका छन् ।
जन्मदिनमा हुने फजुल खर्च राेक्नुपर्ने मान्यता राख्ने मन्त्री भट्टराईले सामाजिक र परोपकारी काममा जन्मदिन पारेर सहयाेग गर्दै आएका छन् ।
केही दिन अगाडि खातुनलाई प्रधानमन्त्रीले समेत वालुवाटार बोलाएर शिक्षाको प्रबन्ध गर्ने वचन दिएका थिए ।
