काठमाडौं । बितेको २४ घन्टामा देशभर थप ९७९ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार त्यति नै समयमा ११ जनाको मृत्यु भएको छ ।
योसँगै नेपालभर संक्रमितको संख्या ४७,२३६ पुगेको छ । मृत्यु हुनेको संख्या ३ सय पुगेको मन्त्रालयले जनाएको छ ।
संक्रमितमध्ये निको हुनेमा ३०,६७७ जना रहेको मन्त्रालयका प्रवक्ता डा जागेश्वर गौतमले जानकारी दिए ।
देशभर संक्रिय संक्रमितको संख्या १६,२५९ जना रहेको छ । तीमध्ये ७,१९० जना घरमै र ९,०६९ जना संस्थागत आइसोलेसनमा छन् ।
काडमाडौंमा मात्रै पछिल्लो २४ घन्टामा २९३ जनामा संक्रमण देखिएको छ । भक्तपुरमा १३ र ललितपुरमा थप २० जना संक्रमण पुष्टि भएको हो ।
पछिल्लो २४ घन्टामा निको हुनेको संख्या १,७३६ जना रहेको छ ।
