काठमाडौं । बितेको २४ घन्टामा नेपालभर थप १,४५४ जनामा कोरोना भाइरस पुष्टि भएको छ । त्यति नै अवधिमा ५ जनाको मृत्यु भएको छ ।
योसँगै नेपालभर संक्रमित हुनेको संख्या ५१,९१९ रहेको छ । निको हुने ३६,६७२ रहेको स्वास्थ्य तथा जनसंख्या मन्त्रालयले जनाएको छ ।
संक्रमणबाट मृत्यु हुनेको संख्या ३२२ पुगेको मन्त्रालयलका प्रवक्ता डा जागेश्वर गौतमले जानकारी दिए ।
नेपालमा हाल १४,९२१ जनामा सक्रिय संक्रमण छ । तीमध्ये ६,६३४ घरमै र बाँकी ८,२९१ जना संस्थागत आइसोलेसनमा छन् ।
काठमाडौं उपत्यकामा मात्रै बितेको २४ घन्टामा ६९६ जनामा संक्रमण पुष्टि भएको छ ।
जसमध्ये काठमाडौंमा ६२०, भक्तपुरमा ३८ र ललितपुरमा ३८ जनामा संक्रमण भेटिएको हो ।
यस्तै मोरङमा ४७, कैलालीमा ६७, मकवानपुरमा ५४, रूपन्देहीमा १०२, चितवनमा ७४ र सिराहामा ४२ जना संक्रमित थपिएका छन् ।
५ सय बढी संक्रमित हुने जिल्लाहरु सुनसरी, सर्लाही, काठमाडौं, चितवन र रुपन्देही गरी ७ जिल्ला रहेका छन् ।
सक्रिय संक्रमित शून्य भएका जिल्लाहरुमा सोलुखुम्बु, मनाङ, मुस्ताङ, म्याग्दी, डोल्पा, मुगु र हुम्ला रहेका छन् ।
