जापानाको आइचिको नागोयामा बस्ने नेपालीहरुले किक बक्सिङ खेलाडी अविरल घिमिरेलाई सम्मान गरेका छन् । खेलाडी घिमिरेलाई नेपाल सम्बद्ध विभिन्न संघसंस्थाहरुले संयुक्त रुपमा सम्मान गरेका हुन् ।
प्रवासमा रहेर नेपाललाई माया गर्ने संघसंस्थाले खेलाडी घिमिरेको हौसला बढाउन सम्मान गरिएको दर्शन समाज जापानका संरक्षक एवं कार्यक्रम सञ्चालक सुरज मल्लले जानकारी दिए ।
कर्णाली प्रदेश समाज जापानका अध्यक्ष सहित लोकेन्द्र शाही, तमुधि नागोयाका प्रेम गुरुङ, एनआरएनए आइसीसी मानार्थ सदस्य डिलराम खरेल, एनआरएनए एसिया प्यासिफिकका अध्यक्ष गोविन्द श्रेष्ठ(रोबिन्द), एनसीसी केन्द्रीय उपाध्यक्ष दीपक कार्की, केन्द्रीय सचिव विष्णुप्रसाद घिमिरे, एनआरएनए नागोया क्षेत्रीय अध्यक्ष, कोषाध्यक्ष गंगा घर्तीमगर सहितको टोलीले घिमिरेलाई भव्य स्वागत सम्मान गरेको दर्शन समाजका संरक्षक मल्लले बताए ।
प्रवासमा बस्ने नेपालीलाई आवश्यक पर्दा सहयोग गरिरहेको सन्दर्भ सुनाउँदै संरक्षक मल्लले मिलेर अघि बढ्नुपर्ने सुनाए । होटल, रेष्टुरेन्ट व्यवसायी, विद्यार्थीसहित आइचि, गिफु, मिये केनमा बसोबास गर्ने सबैले किक बक्सिङ खेलाडी घिमिरेको सफलतामा उल्लास व्यक्त गरेका थिए ।
