काठमाडाैं । बितेको २४ घन्टामा मुलुकभर थप १,२०४ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार त्यति नै समयमा ११ जनाको मृत्यु भएको छ ।
योसँगै नेपालमा संक्रमितको कुल संख्या ६२,७०० नाघेको छ । मुलुकभर कोरोनाका कारण ४०१ जनाको ज्यान गएको छ ।
देशभर हाल १७,१२९ जनामा सक्रिय संक्रमण रहेको स्वास्थ्य मन्त्रालयका प्रवक्ता डा जागेश्वर गौतमले जानकारी दिए ।
जसमध्ये ९,१५३ जना संस्थागत आइसोलेसनमा र बाँकी ७,९७६ जना घरमै रहेको मन्त्रालयलका प्रवक्ता डा गौतमले बताए ।
पछिल्लो २४ घन्टामा मात्रै काठमाडौं उपत्यकामा मात्रै ७११ जनामा संक्रमण पुष्टि भएको छ । जसमध्ये काठमाडौंमा ५७०, ललितपुरमा ५८ र भक्तपुरमा ८३ जनामा संक्रमण पुष्टि भएको हो ।
विगत २४ घण्टामा १०,३३३ वटा नमुनाको परीक्षण भएको जानकारी मन्त्रालयले दिएको छ ।
सो अवधिमा १,४४७ जना रोगमुक्त प्रमाणित भए। मन्त्रालयका अनुसार अहिलेसम्म नेपालमा ४५,२६७ जना अर्थात् ७२ प्रतिशत संक्रमित निको भइसकेका छन् ।
गम्भीर लक्षण भएका बिरामीमध्ये १७९ जना सघन उपचारमा र ३५ जना भेन्टिलेटरमा भएको जानकारी मन्त्रालयले दिएको छ । अहिले देशभरि ७,७३५ जना क्वारन्टीनमा छन् ।