काठमाडौं । बितेको २४ घन्टामा मुलुकभर थप २,०७१ जनामा कोरोना भाइरस संक्रमण पुष्टि भएको छ । त्यति नै अवधिमा २२ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार पुष्टि भएका संक्रमितमध्ये १,४१६ जना काठमाडौं उपत्यकाका छन् । यससँगै नेपालमा कोरोना संक्रमितको कुल संख्या १ लाख ७ हजार ७ सय ५५ पुगेको छ ।
मृत्यु हुनेको कुल संख्या हालसम्म ६३६ पुगेको मन्त्रालयका प्रवक्ता डा जागेश्वर गौतमले जानकारी दिए । पछिल्लो २४ घन्टामा १,५५२ जना कोरोना मुक्त भएका छन् ।
देशभरीमा ३१,३१५ जना सक्रिय संक्रमित रहेको मन्त्रालयको अभिलेख छ । जसमध्ये १७,६६६ जना घरमै र बाँकी १३,६४९ जना संस्थागत आइसोलेसनमा रहेको मन्त्रालयले जनाएको छ । नेपालमा हालसम्म ७५,८०४ जना संक्रमण मुक्त भइसकेका छन् ।
