काठमाडौँ । युट्युबमार्फत महिलाहरुको चरित्रहत्या हुने सामग्री तथा अन्तरवार्ता प्रशारण गर्ने ४ जना युट्युबर पक्राउ परेका छन् । प्रहरीको साइबर ब्यूरोले विभिन्न पाँच युट्युब च्यानलका सञ्चालकहरुलाई बुधबार पक्राउ गरेको हो ।
पक्राउ पर्नेहरुमा ‘दैनिक खबर’ युट्युब च्यानलका सञ्चालक प्रदीप भण्डारी, ‘हरेक पलको खबर’ नामक युट्युब च्यानलका सञ्चालक शिशिर अधिकारी, ‘सरईचुली मिडिया’ नाम गरेको युट्युब च्यानलका सञ्चालक पिंकला कार्की र ‘मोडर्न अनलाईन टिभी’ नामक च्यानलका सञ्चालक रोधन तामाङ रहेका छन् ।
युट्युब च्यानल सञ्चालकहरुले पीडित महिलाको तस्बिरसहित चरित्र हत्या हुने तथा प्रतिष्ठामा आँच पुर्याई उनीहरुप्रति घृणा वा द्वेष फैलाउने प्रसारण गरेको प्रहरीको ठहर छ । पक्राउ परेका चारै जना विरुद्ध काठमाडौँ जिल्ला अदालतबाट म्याद थप गरी अनुसन्धान भइरहेको साइबर व्यूराेका प्रवक्ता प्रहरी वरिष्ठ उपरीक्षक नविन्द्र अर्यालले जानकारी दिएका छन् ।
उनीहरुमाथि विद्युतीय कारोबार ऐन २०६३ अनुसार कारवाही हुने प्रहरीले जनाएको छ ।
