काठमाडाैं । लामो समयदेखि शिक्षा क्षेत्रमा क्रियाशिल एजुकेसन एण्ड माइग्रेसन कर्नरको प्रस्तुतिमा ‘कोलम्बसकी कान्छी’ गीति भिडियो सार्वजनिक भएको छ । भिडियोको निर्माण सुनिल उप्रेतीले गरेका हुन् ।
गीतमा ओम सुनारको स्वर छ भने संगीत पनि उनकै छ । गीतको रचना तारा फूयाँलले गरेका हुन ।
‘नेपाली विद्यार्थीहरूलाई उच्च शिक्षा अध्ययनका लागि अष्ट्रेलिया लगायतका मुलुकमा जान हामीले पुलको काम गर्दै आइरहेका छौं,’ सुनिल उप्रेतीले भने, ‘अब नेपाली मनोरन्जन क्षेत्रमा पनि जोडिने जमर्को हाम्रो हो ।’
मौसम हिमालीको निर्देशन रहेको उक्त भिडियोमा चर्चित नृत्यांगना अलिशा शर्मा र टिकटक सेलिब्रिटी डिमोन क्षेत्रीले अभिनय गरेका छन् । नेप आर्ट डिजिटल यूट्युब च्यानलबाट भिडियो सार्वजनिक गरिएको हो ।
भिडियोको सम्पादन र छायांकन दिपेन बस्न्यातले गरेका हुन् । भिडियो गोदावरी वरिपरि छायांकन गरिएको हो ।
