काठमाडौं । बितेको २४ घन्टामा मुलुकभर थप ३,७४९ जनामा कोरोना भाइरस संक्रमण पुष्टि भएको छ । त्यति नै अवधिमा १९ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
थपिने संक्रमितमध्ये १,९३५ जना काठमाडौं उपत्यकाका छन् । पछिल्लो २४ घन्टामा १६,५९८ वटा नमूना परीक्षणबाट त्यति संख्यामा कोरोना संक्रमित पुष्टि भएको हो ।
यससँगै नेपालभर कोरोना संक्रमितको संख्या १ लाख २१ हजार ७ सय ४५ पुगेको छ । हालसम्म कोरोना संक्रमणबाट मृत्यु हुनेको संख्या ६९४ पुगेको छ । पछिल्लो २४ घन्टामा कोरोनामुक्त हुनेको संख्या भने ३,५६४ रहेको छ ।
हालसम्म नेपालमा ८४,५१९ जनाले कोरोना जितिसकेका छन् ।
देशभरीमा ३६,५३३ जनामा सक्रिय संक्रमण छ भने, ३१४ जना सघन उपचार कक्षमा छन र ६८ जना भेन्टिलेटरमा छन् ।
सक्रिय संक्रमितमध्ये पनि १२,३३९ जना संस्थागत आइसोलेशनमा र बाँकी घरमै बसेको मन्त्रालयको अभिलेख छ ।
