पारिवारिक जमघटमा खुशी, उमंग र हर्षोल्लासको वातावरण बन्छ । विभिन्न चाडबाडहरुले धार्मिक, सामाजिक, सांस्कृतिक, मनोवैज्ञानिक महत्व बोकेको हुन्छ । जुन स्वास्थ्यको लागि अत्यन्त लाभदायक रहँदै आएको छ ।
प्राकृतिक औषधीय गुणयुक्त अमृतरस मानिएको सकारात्मक सोच, खुशी, उमंग, हर्षोल्लास आरोग्यताको प्रतीक हो । विभिन्न रोगको प्राकृतिक औषधी पनि हो । पारिवारिक र सामाजिक एकता, शान्ति, सद्भाव र मेलमिलापको सूत्र हो ।
जसले आफ्नो राष्ट्रको पहिचान र गौरव बढाउँछ । आयुर्वेदको मतअनुसार शरीरको दोष, धातु, अग्नि समान रहनु, मन, आत्म र इन्द्रीय प्रशन्न वा खुशी हुनु स्वस्थ्य (निरोगी) शरीर हो ।
सकारात्मक सोच, सन्तुलित भोजन र प्राकृतिक जीवनशैली नै स्वस्थ्य शरीरको लागि शुद्ध इन्धन हो । औषधी हो । यसलाई सबैले पालना गरौं ।
शरीर निरोगी (स्वस्थ्य) रहन चाडबाडमा जस्तै सधैँभरी प्रशन्न रहने, चाडबाडमा बनाइने परिकारहरु आफ्नो शरीर दोष अनुसार सन्तुलित भोजन गर्ने, पानी प्रशस्त पिउने, पारिवारिक जमघट गर्ने, रमाइला एवं मिठामिठा कुराकानी गर्ने ।
आफ्ना राम्राराम्रा विषयवस्तु परिवार बिचमा पस्कने । परिवारका कुनै सदस्य रोगी हुनुहुन्छ भने उहाँलाई रोग मुक्त गर्न सकारात्मक उर्जा मिल्ने छलफल गर्ने, हौसला बढाउने गर्नुपर्दछ । कतिपय रोगलाई खुशी, पारिवारिक माया ममता र विश्वासले जित्न सकिन्छ ।
असन्तुलित गरिष्ट भोजन र अप्राकृतिक जीवनशैली जस्तैः मसालेदार, पिरो र बोशोयुक्त परिकार, चिसो पेय पदार्थ एवं मदिराजन्य खाद्यवस्तु, फ्रोजन गरिएका खानेकुराहरुमा नियन्त्रण गर्नुपर्छ ।
कानूनले बर्जित गरेका खेलहरु (जुवातास, कौडा आदि) रातभर ननिदाई खेल्न हुँदैन । चाडबाडका नाममा फैलिदैँ गएको र स्वास्थ्यका लागि अत्यन्त हानिकारक विकृती र विसंगती हामी सबै मिलेर फालौं ।
विकृती र विसंगती नै हाम्रो शरीर र हाम्रा समाजका रोगका खानी हुन । यसबाट हामी सबै बचौं । सबै सुरक्षित रहौं ।
लेखकबाट थप:
