काठमाडौं । बितेको २४ घन्टामा मुलुकभर थप ३,५१७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार त्यति नै अवधिमा १६ जना कोरोना संक्रमितले ज्यान गुमाएका छन् ।
योसँगै मुलुकभर कोरोना संक्रमितको कुल संख्या १ लाख ६८ हजार २३५ पुगेको छ । मृत्यु हुनेको संख्या भने ९ सय २० रहेको छ ।
मन्त्रालयका अनुसार विगत २४ घण्टामा १४,९८९ वटा नमुनाको पीसीआर परीक्षण भएको हो । अहिले देशभरिका आइसोलेशनमा ३८,३५७ सक्रिय संक्रमित रहेको मन्त्रालयले जनाएको छ ।
शुक्रवार थपिएको संख्यामा काठमाडौंका तीनवटा जिल्लाका मात्र १,८८८ जना छन् । पछिल्लो २४ घन्टामा ४,०९६ जना कोरोना संक्रमित रोगमुक्त भएका छन् ।
