काठमाडौं । स्वास्थ्य तथा जनसंख्या मन्त्रालयले सरकारी अस्पतालहरुलाई संक्रमितको उपचारका क्रममा धरौटी रकम नमाग्न निर्देशन दिएको छ ।
आइतबार प्रेस विफ्रिङका क्रममा मन्त्रालयका प्रवक्ता डा जागेश्वर गौतमले संक्रमितसँग धरौटी रकम नमाग्न र माग्नेसँग स्पष्टिकरण सोधिएको बताए ।
सरकारले कात्तिक २ गतेबाट विपन्न, असहाय, अशक्त र कोरोना विरुद्धका फ्रन्टलाइनर, ७० वर्ष नाघेका नागरिक बाहेकको उपचार खर्च नब्यहोर्ने जनाएको थियो । उनीहरुकाे उपचारका लागि विभिन्न सिफारिस आवश्यक पर्नेछ ।
सोहीअनुसार मन्त्रालयले देशभरका सरकारी अस्पताललाई सर्कुलर जारी गर्दै उपचार खर्च लिन भनेको थियो ।
तर, पछिल्लो समय विभिन्न सरकारी अस्पतालले धरौटी रकम नै माग गर्न थालेपछि चौतर्फी विरोध हुँदै आएको छ ।
त्यसकै प्रतिरक्षा स्वरुप मन्त्रालयले अस्पताललाई धरौटी रकम नलिन भनेको हो । तर, उपचार शुल्क लिनेबारेको निर्णय परिवर्तन भएको छैन ।
