काठमाडौँ । सत्तारुढ दल नेपाल कम्युनिस्ट पार्टी (नेकपा) को सचिवालय वैठक शुरु भएको छ । यसअघि पार्टी मुख्यालय धुम्बाराहीमा वैठक गरिने निर्णय भएतापनि अध्यक्ष तथा प्रधानमन्त्री ओली पार्टी कार्यलय जान नमानेपछि बालुवाटारमै वैठक शुरु भएको हो ।
नेकपा भित्र देखिएको आन्तरिक द्वन्द समाधानका लागि पनि आजको वैठक महत्वपुर्ण रहेको बताइएको छ । वैठकमा सबै सचिवालय सदस्यहरु उपस्थित रहेका छन् ।
यसअघि पार्टीका कार्यकारी अध्यक्ष पुष्पकमल दाहाल प्रचण्ड र प्रधानमन्त्री तथा अर्का अध्यक्ष केपी शर्मा ओलीले जारि गरेको राजनीतिक प्रतिवेदनबारे वैठकमा छलफल हुने छ ।
