काठमाडौँ । विश्वभर पछिल्लो २४ घण्टामा ६ लाख ८४ हजार ८५ कोरोना संक्रमित थपिएका छन् । वर्ल्डोमिटरले सार्वजनिक गरेको तथ्यांक अनुसार विश्वभर कोरोना संक्रमितको संख्या ६ करोड ६२ लाख २३ हजार ९०६ पुगेको छ । त्यस्तै कोरोना संक्रमणबाट हालसम्म १५ लाख २४ हजार २५५ जनाको मृत्यु भइसकेको छ ।
पछिल्लो तथ्यांकअनुसुार संक्रमितमध्य ४ करोड ५८ लाख ७ हजार ८७२ जना निको भएका छन् । हाल विश्वमा सक्रिय कोरोना संक्रमितको संख्या १ करोड ८८ लाख ९१ हजार ७७९ रहेको छ । तीमध्य १ लाख ६ हजार ९० जनाको अवस्था गम्भिर रहेको तथ्यांकमा उल्लेख गरिएको छ ।
संयुक्त राज्य अमेरिकामा कोरोना संक्रमणको दर सबैभन्दा उच्च रहेको छ । अमेरिकामा पछिल्लो चौबिस घण्टामा २ हजार ७१८ जनाले कोरोना संक्रमणका कारण ज्यान गुमाएका छन् भने २ लाख ३५ हजार २७२ नयाँ संक्रमित थपिएका छन् । अमेरिकामा कोरोना संक्रमितको संख्या १ करोड ४७ लाख ७२ हजार ५३५ पुगेको छ भने मृतकको संख्या २ लाख ८५ हजार ५५० पुगेको छ ।
कोरोना संक्रमण दर उच्च रहेको देशको सुचिमा भारत दोस्रो स्थानमा रहेको छ । त्यस्तै ब्राजिल र रसिया क्रमशः तेस्रो र चौथौ स्थानमा रहेका छन् ।
