काठमाडौँ । सत्तारुढ दल नेपाल कम्युनिस्ट पार्टीको सचिवालय वैठक आज बस्दैछ । बुधबार बसेको सचिवालय वैठक औपचारिकतामा सिमित रहँदै आजको लागि स्थगित भएको हो । गत वैठकमा प्रधानमन्त्री तथा पार्टीका अर्का अध्यक्ष केपी शर्मा ओली अनुपस्थित भएपछि तीन दिनको समयसिमा राख्दै स्थगित गरिएको थियो ।
शनिबारको वैठकमा पनि प्रधानमन्त्री ओली उपस्थित हुने नहुनेबारे अन्यौल कायमै रहेको छ । आजको बैठकमा अध्यक्ष एवम् प्रधानमन्त्री केपी शर्मा ओली र कार्यकारी अध्यक्ष प्रचण्डले पेश गरेका अलग–अलग प्रस्तावमाथि छलफल गर्ने तयारी छ ।
बैठक दिउँसो १ बजे बस्ने कार्यक्रम रहेको छ । सचिवालय वैठकमा केकस्ता विषयहरु उठाउने भन्ने विषयमा निर्णय गर्न खुमलटार र बालुवाटारमा प्रचण्ड र ओली पक्षका सचिवालय सदस्यहरु छुट्टाछुट्टै छलफलमा जुटेका छन् ।
यसअघिको सचिवालय वैठकबाट स्थायी समिति बैठक समेत मंसिर २१ का लागि सार्ने निर्णय भएको थियो ।
