काठमाडौँ । प्रिमियर लिग अन्तर्गत शनिबार राति भएको खेलमा चेल्सी विजयी भएको छ । आफ्नै घरेलु मैदानमा लिड्स युनाइटेडलाई ३–१ गोलले पराजित गर्दै चेल्सी अंक तालिकाको शीर्ष स्थानमा उक्लिएको हो ।

चेल्सीको जितमा जिराउड, जुमा र क्रिस्टियन पुलिसिकले १÷१ गोल गरे । खेलको शुरुवातमा लिड्स युनाइटेडले अग्रता लिएको थियो । लिड्सका प्याट्रिक बामफोर्डले खेलको चौथो मिनेटमा नै गोल गरेका थिए ।

चेल्सीका ओलिवर जिराउडले २७ औं मिनेटमा गोल गर्दै खेललाई बराबरीमा फर्काएका थिए । त्यस्तै दोस्रो हाफको ६१ औँ मिनेटमा कुर्ट जुमाले एक गोल गर्दै लिड्समािथ २–१ गोलको अग्रता लिएका थिए । दोस्रो हाफको इन्जुरी समयमा क्रिस्टियन पुलिसिकले गोल गर्दै चेल्सीलाई सहज जित दिलाए ।

जीतसँगै अंक तालिकाको शीर्ष स्थानमा उक्लिएको चेल्सीको २२ अंक रहेको छ । प्रतिस्पर्धात्मक तरिकाले अगाडी बढेको टोटनह्याम २१ अंकसहित तालिकाको दोस्रो स्थानमा रहेको छ । तेस्रो स्थानको लिभरपुलको समान २१ अंक छ । लिड्स १४ अंक सहित तालिकाको १३ औं स्थानमा छ ।