काठमाडौँ । सत्तारुढ दल नेपाल कम्युनिस्ट पार्टी(नेकपा) को स्थायी कमिटी बैठक शुरु भएको छ । पार्टी भित्र देखिएको आन्तरिक विवाद समाधानको लागि आइतबार पार्टी केन्द्रिय कार्यलय धुम्बाराहीमा बैठक शुरु भएको हो । बैठकअघि शीर्ष नेताबीच अनौपचारिक छलफल हुन सक्ने भनिए पनि कुनै सहमति र पूर्वतयारीविना शुरु भएको छ ।
वैठकमा प्रधानमन्त्री तथा अर्का अध्यक्ष केपी शर्मा ओली भने अनुपस्थित छन् । अन्य नेताहरुले केही समय ओलीको प्रतिक्षा गरेको तर उनि नआउने भएपछि वैठक शुरु गरिएको हो ।
शनिबारको सचिवालय बैठककले पार्टीभित्र उत्पन्न सङ्कट समाधानका लागि स्थायी कमिटी बैठक बसेको हो । पार्टीका दुई अध्यक्षहले सार्वजनिक गरेको दस्तावेजको विषयमा सचिवालय वैठकले टुंगो लगाउन नसकेपछि उक्त विषय स्थायी कमिटीमा पुगेको हो ।
प्रधानमन्त्ती तथा पार्टीका अध्यक्ष केपी शर्मा ओली सहमतीमा आउन नमानेपछि विषयले स्थायी कमिटीमा प्रवेश पाएको हो । स्थायी कमिटीले पनि कुनै निर्णय गर्न नसके केन्द्रिय कमिटीमा विषयले प्रवेश पाउने छ । दुवै अध्यक्षका प्रस्तावलाई साझा बनाएर स्थायी कमिटी र यही मङ्सिर २५ गते हुने केन्द्रीय कमिटीको बैठकमा लाने वा अलगअलग रुपमा लाने भन्नेबारेमा नेताबीच सहमतिको प्रयास भए पनि ठोस परिणाम नआएको जनाइएको छ । रासस