काठमाडौँ । नेपालभर बितेको २४ घण्टामा थप एक हजार ९६ कोरोना संक्रमित थपिएका छन् । स्वास्थ्य मन्त्रालयका प्रवक्ता डा. जागेश्वर गौतमका अनुसार आइतबार सम्म नेपालभर कोरोना संक्रमितको संख्या २ लाख ४० हजार ९ सय ८१ पुगेको छ ।
नियमित प्रेस ब्रिफिङमार्फत प्रवक्ता गौतमले पछिल्लो २४ घण्टामा १७ जनाले कोरोना संक्रमणका कारण ज्यान गुमाएको जानकारी दिएका छन् । यो संगै नेपालमा कोरोना संक्रमणका कारण ज्यान गुमाउनेको संख्या १ हजार ५९४ पुगेको छ ।
आइतबार नै १ हजार ७ सय ५२ जना डिस्चार्ज भएका छन् । हालसम्म २ लाख २५ हजार ८०५ जना कोरोना संक्रमित निको भई घर फर्केका छन् ।
मन्त्रालयका अनुसार २४ घण्टामा ६ हजार ४९५ जनाको पीसीआर परिक्षण भएको थियो ।
