काठमाडौँ । रौतहट राजपुर बम काण्डका मुख्य योजनाकार भनिएका महताब आलम पक्राउ परेका छन् । काँग्रेस सांसद तथा पुर्वमन्त्री अफ्ताब आलमका भाई रहेका महतावलाई भारतीय प्रहरीको समन्वयबाट मोतीहारीबाट पक्राउ गरिएको हो ।
मोतिहारीबाट पक्राउ परेका महताबलाई भारतीय प्रहरीको समन्वयमा प्रदेश नम्बर २ को प्रहरी टोलीले नेपाल ल्याउँदै छ । उनलाई लिन प्रदेश प्रहरी कार्यलयबाट खटिएको टोली मोतीहारीबाट पुगिसकेको प्रहरीले जनाएको छ ।
०६४ चैत २७ मा रौतहटमा भएको बम विष्फोटको घटनामा महताब फरार थिए । घटनाका मुख्य योजनाकार काँग्रेस सांसद तथा पूर्वमन्त्री आफ्ताब नख्खु कारागारमा सजाय भोगिरहेका छन्।
संविधानसभा निर्वाचनको पूर्वसन्ध्यामा आलमका काका शेख इन्द्रिसको घरमा भएको विष्फोटका घाईते २४ वर्षीय त्रिलोक प्रताप सिंह र २२ वर्षीय ओसी अख्तरलाई आलम दाजुभाईको समूहले ईट्टाभट्टामा जिउँदै जलाएका थिए ।
