काठमाडौँ । कोरोना संक्रमणका कारण थप तीन जनाको मृत्यु भएको छ । मृत्यु हुनेमा बर्दिया र कञ्चनपुरका एकएक पुरुष रहेका छन् भने बाराकी एक जना महिला रहेकी छिन् ।
बर्दियाको गेरुवा गाउँपालिका– ५ का ७२ वर्षीय पुरुषको भेरी अस्पताल नेपालगञ्जमा मृत्यु भएको हो । उनको आइतबार राति ११ बजे मृत्यु भएको हो । त्यस्तै कञ्चनपुरको शुक्लाफाँटा–४ का ७३ वर्षीय पुरुषको नेपालगञ्ज मेडिकल कलेज शिक्षण अस्पताल कोहलपुरमा उपचारको क्रममा मृत्यु भएको हो । उनको आइतबार राति १ः४५ बजे मृत्यु भएको हो ।
त्यस्तै सोमबार नै वीरगञ्जमा एक जना महिलाको मृत्यु भएको छ । मृत्यु हुनेमा बाराको जितपुरसिमरा उपमहानगरपालिका–४ औराह बस्ने ७१ वर्षीया बृद्धा रहेकी छिन् । उनलाई मंसिर १४ गते दमको समस्या आएपछि उनलाई वीरगञ्जस्थित बयोधा अस्पतालमा लगिएको थियो । स्वाब परिक्षणको क्रममा कोरोना पोजेटिभ आएपछि उनलाई बाबा होटलको आइसोलेसनमा राखिएको थियो । उनको सोमबार बिहान करिब ६ बजे मृत्यु भएको अस्पतालले जनाएको छ ।