काठमाडौँ । पछिल्लो २४ घण्टामा नेपालमा थप १ हजार ३८२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८ हजार ९४७ जनाको कोरोना परीक्षण हुँदा १३८२ जनामा संक्रमण पुष्टि भएको हो । जसमध्य ८३६ पुरुष र ५ सय ४६ महिला रहेका छन् ।
यो संगै नेपालमा कोरोना संक्रमितको कुल संख्या २ लाख ४३ हजार ३७७ पुगेको छ । पछिल्लो २४ घण्टामा कोरोना संक्रमणको कारण २३ जनाले ज्यान गुमाएका छन् । ज्यान गुमाउनेको संख्या १ हजार ६३७ जना पुगेको छ ।
त्यस्तै चौबिस घण्टाभित्र १ हजार ६१२ जना निको भएका छन् । निको हुनेको कुल संख्या २ लाख २९ हजार ५४ पुगेको छ ।
मन्त्रालयका अनुसार नेपालमा संक्रमित दर भन्दा कोरोना संक्रमणपछि निको हुने दर बढेको छ । मन्त्रालयले हालसम्म १७ लाख ९९ हजार ६८६ जनाको पीसीआर परीक्षण गरिएको जानकारी दिएको छ ।
