काठमाडौँ । नेपालमा पछिल्लो २४ घण्टामा थप १ हजार ५६ जनामा कोरोना संक्रमण पुिष्ट भएको छ । स्वास्थ्य मन्त्रालयका प्रवक्ता डा. जागेश्वगर गौतमले नियमित प्रेस ब्रिफिङमार्फत बुधबार देशभर ६ सय ७० पुरुष र ३ सय ८६ जना महिला संक्रमित थपिएको जानकारी दिएका छन् ।
योसँगै नेपालमा कोरोना संक्रमितको कुल संख्या २ लाख ४४ हजार ४३३ पुगेको छ । पछिल्लो २४ घण्टामा १ हजार ४८३ जना संक्रमणमुक्त भएका छन् । संक्रमण मुक्त हुनेको कुल संख्या २ लाख ३० हजार ५३७ पुगेको छ ।
कोरोना संक्रमणबाट पछिल्लो २४ घण्टामा १४ जनाले ज्यान गुमाएका छन् । ज्यान गुमाउनेको कुल संख्या १ हजार ६ सय ५१ जना पुगेको छ ।
बुधबार देशभरि सक्रिय संक्रमितको संख्या १२ हजार २४५ जना रहेका छन् ।
बितेको २४ घण्टामा भक्तपुरमा ३९ जना, ललितपुरमा ७५ र काठमाडौँमा ३ सय ९३ जना कोरोना संक्रमित थपिएको स्वास्थ्य मन्त्रालयले जनाएको छ ।
