काठमाडौँ । सत्तारुढ दल नेपाल कम्युनिस्ट पार्टी (नेकपा) को स्थायी कमिटी बैठक सकिएको छ । आइतबार प्रधानमन्त्री निवास बालुवाटारमा बसेको बैठक नेकपाका केन्द्रिय सदस्य तथा पुर्वसांसद कमानसिंह लामाको निधनमा शोक प्रस्ताव पारित गर्दै स्थगित भएको हो ।
स्थायी कमिटीको बैठक आगामी पुष १ गते बस्ने नेकपाका प्रवक्ता नारायणकाजी श्रेष्ठले बताएका छन् । आजको बैठकमा भने प्रधानमन्त्री समेत रहेका अध्यक्ष केपी शर्मा ओली उपस्थित भएका थिए ।
सचिवालय बैठकमा दुई अध्यक्षले पेश गरेका राजनीतिक प्रतिवेदन अबको स्थायी कमिटीमा छलफल हुनेछ । सचिवालय बैठकमा सहमती जुट्न नसकेपछि अध्यक्षद्वयको राजनीतिक प्रतिवेदन स्थायी कमिटीमा पुगेको थियो ।
