काठमाडौँ । नेपालमा बितेको २४ घण्टामा थप ८३० जनामा कोरोना संक्रमण पुष्टि भएको छ । स्वास्थ्य मन्त्रालयका प्रवक्ता डा. जागेश्वर गौतमका अनुसार देशभरिका ३९ प्रयोगशालाबाट ५१८१ नमुना परीक्षण गर्दा उनीहरुमा संक्रमण पुष्टि भएको हो ।
काठमाडौँ उपत्यकामा आइतबार कुल ३४८ जनामा कोरोना संक्रमण पुष्टि भएको छ । जसमध्य भक्तपुरमा २५ जना, ललितपुरमा ६५ जना र काठमाडौँमा २ सय ५८ जना रहेका छन् ।
यससँगै कुल संक्रमितको संख्या २ लाख ४८ हजार ४२३ पुगेको छ । त्यस्तै आइतबार १५०० जना डिस्चार्ज भएका छन् । डिस्चार्ज हुनेकाे कुल संख्या २ लाख ३५ हजार ७३१ पुगेकाे छ । काेराेनाबाट हालसम्म १६९८ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा १५०० जना कोरोना भाइरस संक्रमणमुक्त भएका छन् । हाल देशभर १० हजार ९९४ जना सक्रिय संक्रमित छन् ।
