काठमाडौँ । नेपाली काँग्रेसका युवा नेता गगनकुमार थापाले प्रधानमन्त्री ओलीले नै भ्रष्टाचारीको संरक्षण गरेको बताएका छन् । कैलालीमा आज सरकारविरूद्ध कांग्रेसले गरेको प्रदर्शनलाई सम्बोधन गर्दै नेता थापाले भ्रष्टाचारीलाई संरक्षण गर्न प्रधानमन्त्री ओली नै उद्वत देखिएको बताएका ह्न् ।
बालुवाटार जग्गा प्रकरणमा पनि सिफिारिस गर्ने मान्छे जेल गएको तर खाने मान्छे भने आनन्दले मन्त्रीको कुर्सीमा बसिरहेको थापाले बताए । ‘बालुवाटारको चार आना जग्गा छोराको नाममा राख्ने अर्थमन्त्री, उसलाई सिफारिस गर्ने मान्छे हिजो जेल गयो । सिफारिस गर्ने मान्छे जेल जाँदा तर खाने मान्छे चाहिँ अर्थमन्त्रीको कुर्सीमा बिराजमान हुनुहुन्छ’ उनले भने ।
त्यस्तै नेता थापाले निर्मला पन्तदेखि निर्जला चौधरीको बलात्कारी र हतयारालाई गृहमन्त्रीले संरक्षण दिएको समेत बताएका छन् । बालुवाटारको जग्गामा अर्थमन्त्रीले कमिशन खाएको र स्वास्थ्य सामाग्री खरिदमा प्रधानमन्त्रीकै नजिकको मन्त्रीले कमिसन खाएको कारण यो सरकारले जनताको काम गर्न नसक्ने औँल्याएका छन् ।
उनले प्रधानमन्त्री ओली असफल भइसकेको दाबी गरेका छन्।
सरकारले कोरोना नियन्त्रण तथा रोकथाममा काम गर्न नसकेको भन्दै उनले आलोचना गरेका छन्।
