काठमाडौँ । राष्ट्रपति विद्यादेवी भण्डारीले संवैधानिक परिषद ऐन संसोधन अध्यादेश जारी गरेकी छिन् ।
मंगलबार बिहान बसेको मन्त्रीपरिषद बैठकको सिफारिसको आधारमा राष्ट्रपति भण्डारीले संवैधानिका परिषद ऐन संसोधन अध्यादेश जारी गरेकी हुन् । अध्यादेश जारी भएलगत्तै संवैधानिक परिषद्को बैठक बस्ने बाटो खुलेको छ ।
ऐन संसोधन भएपछि कम सदस्यहरुको उपस्थितिमा पनि बैठक बस्न सक्नेछ । जारी गरिएको अध्यादेशमा संवैधानिक परिषदको बैठकका लागि आवश्यक पर्ने गणपुरक संख्या घटाइएको छ।
प्रधानमन्त्री ओलीले मंगलबार बोलाएको बैठकमा सभामुख अग्नीप्रसाद सापकोटा अनुपस्थित भएका थिए । प्रधानमन्त्रीले एकलौटी ढंगले संवैधानिक निकायहरुमा नियुक्ति गर्न लागेको भन्दै प्रचण्ड र उनिपक्षका नेताहरुले असन्तुष्टी पोखेका थिए । सभामुख सापकोटा पनि संवैधानिका परिषदको छलफलका लागि आवश्यक तयारी नभएको, सदस्यहरुमा समन्वय नभएको भन्दै मंगलबारको बैठकमा अनुपस्थित भएका थिए ।
गणकपुरक कम भएपछि स्थगित भएको बैठक प्रधानमन्त्री ओलीले आजै साँझ ५ बजेका लागि बोलाएका थिए । त्यसबिचमा प्रधानमन्त्री ओलीले राष्ट्रपतिमार्फत अध्यादेश जारि गराई जसरी पनि संवैधानिक परिषदको बैठक बस्ने र रिक्त रहेका पदपुर्ती गराउन लागि परेका हुुन् ।
