काठमाडौं । मन्त्रिपरिषदले संसद विघटनको सिफारिस गरेपछि देशभर सुरक्षा निकायहरुले ‘हाइ अलर्ट’ बढाएका छन् ।
ठूला राजनीतिक घटना हुँदा स्वभाविक रुपमा सुरक्षा सतर्कता बढाउनुपर्ने भएकाले प्रहरी महानिरीक्षक शैलेश थापा क्षत्रीले आकस्मिक रुपमा सातै प्रदेश प्रमुखहरुलाई निर्देशन दिएको प्रहरी स्रोतको भनाई छ ।
सडकमा हुने आन्दोलनमा अवस्था भड्किन नदिन र कानुनविपरितका कार्य हुन नदिन सर्तक रहन प्रहरी मुख्यालयको निर्देशन छ ।
