काठमाडौँ । नेपाल कम्युनिस्ट पार्टीका दुई पक्षले आ–आफु निकटका सांसदहरुको छुट्टाछुट्टै बैठक बोलाएका छन् । आइतबार नै प्रधानमन्त्री ओलीले आज ९ बजे बस्ने गरि आफु निकटका सांसदहरुलाई बोलाएका थिए ।
प्रधानमन्त्री निकटका सांसदहरु सोमबार ९ बजे नै बालुवाटार पुगिसकेका छन् । त्यस्तै प्रचण्ड–माधव पक्षले पनि आफु निकटका सांसदहरुलाई छलफलका लागि बोलाएका छन् । संसद भवनको ल्होत्से हलमा दिउँसो १ बजे बस्ने गरि बैठक बोलाइएको छ ।
प्रधानमन्त्रीले बोलाएको बैठकमा पार्टी र यसबाट जारि भएको प्रस्तावको विषयमा कसरी जाने भनेर छलफल हुने बताइएको छ । त्यस्तै प्रचण्ड–माधव पक्षका संसदहरुले पनि पार्टी एकतालाई जीवित राख्दै अन्य कामकारवाही कसरी गर्ने भन्ने विषयमा छलफल गर्ने बताइएको छ ।
