काठमाडौँ । नेपाल कम्युनिस्ट पार्टी(नेकपा)का कार्यकारी अध्यक्ष प्रचण्ड र वरिष्ठ नेता माधव कुमार नेपालले बोलाएको बैठकमा उपाध्यक्ष बामदेव गौतम भने अनुपस्थित भएका छन् ।
सोमबार बानेश्वरस्थित संविधान सभाको लोत्से भवनमा भएको बैठकमा उपाध्यक्ष गौतम अनुपस्थित भएका हुन् । उनि बालुवाटारमा प्रधानमन्त्रीले बोलाएको छलफलमा पनि गएका थिएनन् । उनि कुनैपनि समुहको बैठकमा नजानुलाइ अर्थपुर्ण रुपमा हेरिएको छ ।
आइतबार प्रधानमन्त्री ओलीले संसद विघटन गराएपछि गौतमले विज्ञप्ती भने जारि गरेका थिए । उनले प्रधानमन्त्रीको कदमलाई गैरसंवैधानिक भनेका थिए ।
प्रचण्ड–नेपाल पक्षको बैठकमा पुर्वमाओवादीतर्फका गृहमन्त्री रामबहादुर थापा बादल पनि अनुपस्थित भएका थिए । उनलाई छलफलमा उपस्थित हुनका लागि अध्यक्ष प्रचण्डले अनुरोध गरेका थिए । तर बादल भने मन्त्री क्वार्टरमा आफु पक्षका सांसदहरुसँग छलफल गरेका थिए ।
संसद विघटनपछि नेकपा फुटको संघारमा पुगेको हो । पार्टीभित्र दुई अध्यक्षले छुट्टाछुट्टै बैठक चलाएर आगामी कदमको बारेमा छलफल गरेका छन् ।
