काठमाडौँ । नेपाल कम्युनिस्ट पार्टी (नेकपा)को प्रचण्ड–माधव पक्षको केन्द्रीय समिति बैठक शुरु भएको छ । राजधानीको बबरमहल स्थित कार्की पार्टी प्यालेसमा केहीबेरअघि बैठक शुरु भएको हो ।
बैठकलाई पुष्पकमल दाहाल प्रचण्ड, वरिष्ठ नेता माधव कुमार नेपाल, झलनाथ खनाल लगायतका नेताहरु उपस्थित भएका छन् । केन्द्रीय कमिटी बैठकको नाम दिइएको उक्त भेलामा प्रचण्ड–नेपाल पक्षका नेताहरु बाक्लो रुपमा उपस्थित भएका छन् ।
बैठकले प्रधानमन्त्री अोलीलाई पार्टीको अध्यक्षबाट हटाउने र माधव नेपाललाई अध्यक्ष बनाउने तयारी गरेको छ ।
यता पार्टी प्रवक्ता नारायणकाजी श्रेष्ठलाई ओली समूहले हटाइसकेको छ भने उनको ठाउँमा प्रदीप ज्ञवालीलाई प्रवक्ता तोकिएको छ ।
