काठमाडौँ । नेपाल कम्युनिस्ट पार्टी (नेकपा)का वरिष्ठ नेता माधव कुमार नेपालले पार्टी पार्टीको नाममा धावा बोल्दैमा बैधानिकता नपाउने जिकिर गरेका छन् । बबरमहलमा प्रचण्ड र आफुपक्षीय केन्द्रीय सदस्यहरुको बैठकमा सम्वोधन गर्दै नेता नेपालले आफ्नो समुहसँग दुई तिहाइ आफुहरुसँग भएको स्पष्ट पारेका छन् ।
पूर्वएमाले ब्यूताउने खेल शुरु भएको आशंकमा नेता नेपालले सो पनि सम्भव नभएको बताएका छन् । पार्टी एकताकै समयमा एमाले र माओवाटी विघटन भइसकेको कारण विघटन भएको पार्टी पुनः ब्यूँतन नसक्ने बताएका हुन् ।
बैठकमा बोल्दै नेता नेपालले प्रधानमन्त्रीले बालुवाटारमा गरेको छलफल कुनै पार्टीको नभई एक गुटको मात्र रहेको बताएका छन् । चुनाव चिन्हको बिषयमा पनि प्रधानमन्त्रीले बोलको अनुसार कुनैपनि कानूनी आधार नरहेको उनले बताएका छन् ।
पार्टीभित्र रहँदा पनि आफु निकटकै ब्यक्तिलाई मात्र माथिमाथि पुर्याउन खोज्ने र त्यसको विरोध गर्नेलाई अवसर नदिने एकाधिकारवादी शैली अपनाएको बताएका छन् । प्रचण्ड र आफु पटकपटक ओलीबाट अपमानित हुन परेको तर निकै सहेर भएतापनी कम्युनिस्ट आन्दोलनलाई जोगाउनका निम्ति चुप लागेर बसेको उनले बताए ।
