काठमाडौँ । विभाजनको संघारमा पुगेको नेपाल कम्युनिस्ट पार्टीको दुबै समुहको केन्द्रीय समिति बैठक आज बस्दै छ ।
प्रधानमन्त्री केपी शर्मा ओली समूहको बैठक बालुवाटारमा बस्ने छ भने प्रचण्ड–माधव समुहको केन्द्रीय समिति बैठक बबरमहलस्थित कार्की ब्यांकेटमा बस्ने भएको छ ।
दुबै समुहको बैठक बिहान ११ बजेपछि बस्ने बताइएको छ ।
यसअघि मंगलबार पनि दुबै समुहले छुट्टाछुट्टै केन्द्रीय समिति बैठक गरेका थिए । बालुवाटारमा बसेको ओली समूहको बैठकबाट नारायणकाजी श्रेष्ठलाई प्रवक्ताबाट हटाउने निर्णय गरेको थियो । यता कार्की ब्यांकेटमा प्रचण्ड–नेपाल समूहको बैठकले केपी शर्मा ओलीलाई अध्यक्षबाट हटाउने निर्णय गरेको थियो ।
प्रचण्ड–नेपाल समूहले आज बस्ने केन्द्रीय कमिटी बैठकमा प्रदेश सरकारबारे छलफल हुने बताइएको छ । प्रदेश सरकार पनि ढालिए थप कदम चाल्ने तयारीमा प्रधानमन्त्री ओली रहेका छन् ।
