काठमाडौँ । नेपाल कम्युनिस्ट पार्टी (नेकपा) को प्रचण्ड–माधव समूहले विष्णु पौडेललाई महासचिवबाट हटाएर सुरेन्द्र पाण्डेलाई महासचिव बनाउने तयारी गरेको छ । बिहीवार दिउँसो बस्ने केन्द्रीय कमिटी बैठकबाट पाण्डेलाई महासचिव बनाउन लागिएको हो ।
यसअघि पनि अध्यक्षबाट प्रधानमन्त्री समेत रहेका केपी शर्मा ओलीलाई हटाएर उनको स्थानम माधव कुमार नेपाललाई अध्यक्ष चयन गरिएको थियो । उक्त समुहले निर्वाचन आयोगको कार्यालयमा पनि सोको जानकारी सहितको निवेदन दर्ता गरिसकेको छ ।
राजनीतिक रुपमा विभाजन भइसकेको नेकपाका दुई समूहले एकअर्कालाई आफ्नो पक्षबाट हटाइसकेको छ । ओली समूहले पनि प्रवक्ता नारायणकाजी श्रेष्ठलाई हटाएर प्रदीप ज्ञवालीलाई प्रवक्ताको रुपमा चयन गरिसकेको छ । यद्यपी प्रधानमन्त्री केपी शर्मा ओलीले भने आफुले कसैलाई पनि निश्कासन नगरेको बताएका छन् ।
आज दिउँसो १ बजे पछि राजधानीमा बस्ने प्रचण्ड–माधव समूहको बैठकबाट महासचिव लगायतका अन्य विषयमा निर्णय लिने तयारी गरिएको छ ।
