काठमाडौँ । संवैधानिक इजलासमा संसद विघटन विरुद्धको रिटको सुनुवाई सुरु भएको छ । प्रधानन्यायधीश चोलेन्द्र शमशेर जबराको नेतृत्वको संवैधानिक इजलासमा रिटको सुनुवाई सुरु भएको हो ।
बुधबार प्रधानन्यायाधीश जबराको एकल इजलासले प्रतिनिधि सभा विघटनविरुद्ध परेका रिटहरू संविधानको धारा ७६ को व्याख्यासँग सम्बन्धित रहेकाले संवैधानिक इजलासमा पेश गर्न आदेश दिएका थिए ।
५ सदस्यीय गठित इजलासमा प्रधानन्यायाधीश जबराका अलावा न्यायाधीशहरू हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसी छन् ।
