काठमाडौँ । नेपाल कम्युनिस्ट पार्टी (नेकपा)को प्रचण्ड–माधव समूहले निर्वाचन आयोगमा केन्द्रीय सदस्यको हस्ताक्षर बुझाएको छ ।
शुक्रबार मध्यान्ह निर्वाचन आयोगको कार्यालय पुगेको पुगेका प्रचण्ड, माधव नेपाल, झलनाथ खनाल र नारायणकाजी श्रेष्ठलगायतका नेताहरुले पार्टीको नाम, चुनाव चिन्ह र वैधानिकताको दाबी गर्दै २ सय ९५ केन्द्रीय सदस्यहरुको नाम बुझाएको हो ।
शीर्ष नेताहरुसहितका सांसदहरुले शुक्रबार माइतीघरमा ‘हामी यहाँ छौँ’ लेखिएको पम्प्लेट छातीमा टाँसेर प्रदर्शन गरेका थिए । त्यसलगत्तै नेता कार्यकर्ताहरु नाराबाजी गर्दै निर्वाचन आयोगको कार्यलयमा पुगेका थिए । त्यहाँ केन्द्रीय सदस्य लगायतका नेता कार्यकर्ताहरुलाई प्रहरीले अवरोध समेत गरेको थियो ।
बहुमत केन्द्रीय सदस्यहरु आफुसँग भएको कारण पार्टीको वैधानिकता दाबी गर्दै प्रचण्ड–नेपाल समूह आयोग पुगेका थिए ।
