काठमाडौँ । नेपाल कम्युनिस्ट पार्टी (नेकपा) विभाजतर्फ उन्मुख हुँदै गर्दा छिमेकी मुलुक चिनले विशेष चासो दिएको छ । पार्टी विभाजन हुनै लाग्दा नेपालका लागि चिनियाँ राजदूत होउ यान्छीको सक्रियता समेत बढेको थियो ।
नेकपाको विवाद वारपार हुने अवस्था आइसक्दा चिनियाँ कम्युनिस्ट पार्टीको अन्तराष्ट्रिय विभागका उपमन्त्री गुओ येझौले पनि नेपाल भ्रमण गर्ने भएका छन् । राजदूत यान्छीले यसबारेमा राष्ट्रपती सहित नेकपाका शीर्ष नेताहरुलाई भेटेर जानकारी गराइसकेकी छिन् ।
यान्छीले राष्ट्रपति विद्यादेवी भण्डारी, नेकपाका अध्यक्ष पुष्पकमल दाहाल, शुक्रबार अर्का अध्यक्ष माधवकुमार नेपाल, वरिष्ठ नेता झलनाथ खनाल, पूर्व सभामुख कृष्णबहादुर महारासँग भेटघाट गरेकी थिइन् ।
उपमन्त्रीसँगै एक प्रतिनिधि मण्डल आइतबार काठमाडौँ आउने छ । गुओ यसअघि सन् २०१८ मा पनि नेपाल आइसकेका छन् ।
