काठमाडौँ । चिनियाँ कम्युनिस्ट पार्टीका प्रतिनिधिमण्डल नेपाल आइपुगेको छ । एअर चाइनाको जहाज चार्टर गरेर नेपाल आएका प्रतिनिधिमण्डल केहीबेर अघि त्रिभुवन विमानस्थल अवतरण गरेका हुन् ।
नेपाल कम्युनिस्ट पार्टी फुटको संघारमा पुग्दै गर्दा चिनियाँ कम्युनिस्ट पार्टीका ४ जना प्रतिनिधिमण्डल नेपाल आएका हुन् । काठमाडौं ओर्लिएसँगै चिनियाँ कम्युनिष्ट पार्टीको टोली बालुवाटारस्थित चिनियाँ दूतावास गएको छ।
काठमाडौंस्थित चिनियाँ राजदूतावासले चिनियाँ टोलीको भेटघाटका लागि नेकपाका शीर्ष नेताहरूसँग समय मिलाइरहेको स्रोतले जानकारी दिएको छ।
यसअघि नेपालका लागि चिनियाँ राजदूत होउ यान्छीले नेकपाको प्रचण्ड–नेपाल समूहका दुई अध्यक्ष पुष्पकमल दाहाल प्रचण्ड र माधवकुमार नेपालसँग छुट्टाछुट्टै भेटवार्ता गरेकी थिइन् । भेटमा उनले चिनियाँ उपमन्त्री यझौ सहितको टोली काठमाडौँ आउने जानकारी दिएकी थिइन् ।
