काठमाडौँ । आइतबार काठमाडौँ आइपुगेको चिनियाँ उच्चस्तरीय टोलीले नेपाल कम्युनिस्ट पार्टी (नेकपा)को प्रचण्ड–ओली समूहको अध्यक्ष पुष्पकमल दाहाल प्रचण्डसँग भेटवार्ता गरेको छ ।
सोमबार बिहान खुमलटार पुगेर उक्त प्रतिनिधिमण्डलले अध्यक्ष प्रचण्डसँग भेट गरेको हो । भेटमा समसामयीक राजनीतिक विषय र चिन नेपाल सम्बन्धका बारेमा छलफल हुने बताइएको छ ।
चिनियाँ उपमन्त्री गुओ येझाउसहितको प्रतिनिधिमण्डल चार दिने भ्रमणका लागि नेपाल आएका हुन् । आइतबार नै राष्ट्रपति भण्डारी र प्रधानमन्त्री ओलीसँग भेटवार्ता गरिसकेका छन् ।
अध्यक्ष दाहालसँगको भेटवार्तापश्चात उक्त टोलीले अर्का अध्यक्ष माधवकुमार नेपाललाई भेट्नेछ ।
नेपाल कम्युनिस्ट पार्टी विभाजन हुँदै गर्दा चिनियाँ कम्युनिस्ट पार्टीका प्रतिनिधिमण्डल नेपाल आउनुलाई अर्थपूर्ण रुपमा हेरिएको छ ।
