काठमाडौँ । नेपाल कम्युनिस्ट पार्टी (नेकपा) को प्रचण्ड़–माधव समूहले आज काठमाडौँमा शक्ति प्रदर्शन गर्दै छ । प्रधानमन्त्री केपी शर्मा ओलीले राष्ट्रपतिमार्फत संसद विघटन गराएपछि प्रचण्ड–माधव समूहले सोको विरोधस्वरुप प्रदर्शन गर्न लागेको हो ।
प्रचण्ड–माधव समूहको केन्द्रीय कमिटी बैठकबाट देशव्यापी प्रदर्शन गर्ने निर्णय गरेको हो । उक्त समूहका अध्यक्ष पुष्पकमल दाहाल प्रचण्डले काठमाडौँमा मात्र ५० हजार कार्यकर्ता उतार्ने उद्घोष गरेका थिए ।
राजधानीको विभिन्न स्थानबाट र्याली निकाल्दै भृकुटीमण्डपमा सभामा परिणत हुने छ । उक्त सभामा प्रचण्ड–माधव समूहका अध्यक्षद्वय पुष्पकमल दाहाल प्रचण्ड, माधवकुमार नेपाल, वरिष्ठ नेता झलनाथ खनाल र प्रवक्ता नारायणकाजी श्रेष्ठले सम्बोधन गर्ने कार्यक्रम रहेको छ ।
