काठमाडौँ । संसद विघटनविरुद्ध प्रचण्ड–माधव समूहले थप आन्दोलन गर्ने भएको छ । सो को तय गर्नका लागि पार्टी कार्यलय पेरिसडाँडामा केहीबेरमा नै बैठक बस्न लागेको हो ।
मंगलबार देशव्यापी प्रदर्शन गरेको प्रचण्ड–माधव समूहले सरकारविरुद्ध अझै कडा भएर उत्रने उद्घोष गरेको थियो । आगामी आन्दोलनका लागि कसरी अगाडी बढ्ने भन्ने विषयमा निर्णय गर्नका लागि केही बेरमा पेरिसडाँडामा सचिवालय सदस्य र स्थायी कमिटीको संयुक्त बैठक बस्न लागिएको हो ।
बैठकपश्चान अपराह्न ३ बजे पत्रकार सम्मेलनमार्फत आगामी आन्दोलनको कार्यकक्रमबारे जानकारी दिइने बताइएको छ ।
प्रधानमन्त्री केपी शर्मा ओलीले संसद् विघटन गराएपछि नेकपा आन्दोलनमा छ। त्यस्तै, कांग्रेस र राप्रपाले पनि त्यसका विरुद्ध आन्दोलन गर्दै आएका छन्।
यसअघि नेकपाले पुस १४ गते र नेपाली कांग्रेसले पुस १३ गते देशव्यापी प्रदर्शन गरेका थिए। त्यस्तै, राप्रपाले पुस १७ गते देशव्यापी प्रदर्शन गर्दै छ।
